Пустою стаяла лужынка.
На сонейку грэлася ружанька.
Мы вельмі чакалі дождж.
А мама варыла боршч. 

Ніводнай хмурынкі над лужынкай.
Паціху завяла ружанька.
Стаміліся клікаць дождж.
І з’елі да кроплі боршч.

Сумуюць гумовыя боты.
Новым ботам няма работы.

Мы паглядзелі ўсе ў акно.
Там анічога не відно.
Хіба што свецяць ліхтары,
Машыны ездзяць па двары,
На сценах жоўтыя квадраты
І месяц з зоркамі над хатай.
А так нічога не відаць,
Бо класціся патрэбна спаць.

Бывай, бывай, дзіцячы сад!

Ужо нас кліча школа.

3 нас сёння кожны вельмі рад

І трошкі — невясёлы.

 

Бо развітацца нам пара.

Час хутка пралятае.

Няхай другая дзетвара

Без нас тут падрастае.

 

А вам — пашана і любоў

І дзякуй вам таксама,

Усім, хто гэтулькі гадоў

Расцілі нас, як мамы!

savaЧые ноччу ў гушчары
Зіхацяць два ліхтары?
Хто ўсю ноч гагоча,
Спачываць ня хоча?
Хто, пабачыўшы святло,
Хутчэй лезе ў дупло?
Хто адкажа мне? Раз, два...
- Крывадзюбная сава!

samakatРады я,

І рад

Мой брат:

Нам купілі

Самакат!

I цяпер

Суседка Надзя

З намі дружыць,

З намі ладзіць,

А яе сяброўка Лера

Лічыць нас 

За кавалераў.

Шаноўныя сябры! Усе матэрыялы сайта ўзятыя з адкрытых крыніц інтэрнэта.
Калі змяшчэнне нейкага кантэнта парушае Вашыя аўтарскія правы, калі ласка, паведаміце пра гэта на мэйл malecha.by@yandex.ru ці праз форму зваротнай сувязі.
Калі вы маеце цікавы матэрыял ці інфармацыю пра падзеі для дзетак, які можна дадаць на наш сайт, калі ласка, падзяліцеся з намі.
Дзякуй!